Vyaktitva….

Aascharya !!! Aaj ke samay mein bhi hindi aur angrezi par itna niyantran !!! Eka-ek hi us ladki ke blog pad kar mein chuank gaya . Premchand ki marmikta  se Kabir ki gehanta ko kuch hi sabdo mein usne mishrit kar diya .

 

Rat kafi ho chuki thi aur subah office bhi jana tha lekin uske sabdo ka mayajal tab tak mujhe apne aagosh mein le chuka tha .Main lakh kosis ke bad bhi apne aap ko padne se nahi rok pa raha tha .  Har pankti ko likhne se pehle usne ghanto socha hoga .Man ki Shashvata ko gehrayi se racha tha usne ………fir kuch kavitaye ,jo sayad likhi nahi gayi , dil ke bhav sayad barbas hi kagaj par utar aaye !!! Dil jo sabdo ko dekh kar vyakti ki tasvir bana leta hai (sayad adhik sakcham hai aadhunik computers se)…….ne kuch man mein bana liya .

 

Lekin ye kya ……..wo jo dusre blog par likh rahi thi . Angrezi ke adhunikaran ya kahu ke uska vikrat swaroop jo hum aajkal chating ya blogging par prayog kartein hai , ka prayog itna sarthak aur prabhshali bhi ho sakta hai kadapi socha nahi tha. Rat ko chori chupe ghar se nikal kal Rajma chawal khane wali ladki ,Premchand ke vicharo ko bhi apni kalam se chitrit kar sakti hai , mere liye sochna bhi kathin tha !!!

 

Sach mein kisi bhi vyaktitav ko pehchanna itna aasan nahi ………kyoki wo to hazar rahshya chupaye hai apane ander…….hazaro vichar,hazaro ghatnaye aur lakho paristhitiya ,jo ek vyaktitva banati hai ko kuch panktiyo mein samjhna ashambhav hai ………!!!